Գոնե ավելի շուտ իմանայի այս մասին․․․ Ինչպես առողջացնել վարդերը՝ սոդայի օգնությամբ

Մեր ամառանոցում աճում են վարդեր, որոնք ցանել ենք մի քանի տարի առաջ։ Ու հիմա չեմ կարողանում ազատվել հին ճյուղերից, քանի որ շատ եմ ափսոսում։ Ու հները փորելու, գցելու փոխարեն ակտիվ խնամում եմ, սնուցում։ Սովորաբար բույսերի մշակման համար օգտագործում եմ բնական նյութեր կամ առնվազն դեղատնային որևէ պրեպարատներ։

Բոլոր նրանք, ովքեր վարդը համարում են կամակոր բույս, երևի չգիտեն, որ ծաղիկը սիրում է արևոտ ու լավ օդափոխվող տեղեր։ Դրանց արմատները ուժեղ են ու երկար, կարողանում են անհրաժեշտ խոնավություն ստանալ։ Բայց մի մոռացեք ջրել դրանք՝ հատկապես շոգ օրերին։ Իսկ որպեսզի վարդերն էլ ավելի շատ ու երկար ուրախացնեն գեղեցիկ տեսքով, ցողեք հատուկ լուծույթով։

Գիտեմ մի հիանալի նյութի մասին, որը պատրաստվում է սոդայից և տնտեսական օճառից։ Վարդերս այն շատ են սիրում։

5լ դույլի մեջ ջուր լցրեք, ավելացրեք 1ճ․գ․ սոդա, 0,5թ․գ․ անուշադրի սպիրտ, 1թ․գ․ մագնեզիումի սուլֆատ (վաճառվում է դեղատներում), 1թ․գ․ քերած տնտեսական օճառ։ Լավ խառնելուց հետո սպասեք կես ժամ, որ օճառը լիովին լուծվի։

Լուծույթը լցրեք ջրցանիչով շշի մեջ, բոլոր կողմերից մշակեք վարդերը՝ և ծաղիկները, և տերևները։ Մշակեք առավոտյան կամ երեկոյան, երբ չկան արևի ճառագայթներ։ Ցանկալի է կատարել գործընթացը օդի ցածր խոնավության ժամանակ։

Оставьте комментарий